पिंपरी : सार्वजनिक ठिकाणी मास्कचा वापर न करणाऱ्या नागरिकांवर आता 500 किंवा 1000 रुपये दंड आकारण्यात येणार आहे. याबाबतचा आदेश विभागीय आयुक्त डॉ. दीपक म्हैसेकर यांनी काढला. त्याची अंमलबजावणी महापालिका आयुक्त श्रावण हर्डीकर यांच्या आदेशानुसार केली जाणार आहे.

ताज्या बातम्यांसाठी डाऊनलोड करा ई-सकाळचे ऍप 

सार्वजनिक ठिकाणी मास्क न वापरणा-या नागरिकांवर पिंपरी-चिंचवड महापालिकेकडून 500 रुपये दंडाची कारवाई केली जात होती. मात्र, दंडाची रक्कम जास्त असल्याने स्थायी समिती सभेने दंडाची रक्कम 500 ऐवजी 200 रुपये आकारावी, असा ठराव मंजूर केला. त्यामुळे आता मास्क न वापरल्यास 200 रुपये दंड आकारण्यात येत आहे. आरोग्य विभागाकडून कारवाई केली जात आहे. मात्र, गेल्या महिन्यात लाॅकडाउन शिथिल झाले. लोक मोठ्या प्रमाणात बाहेर पडू लागले. संसर्ग झालेल्यांची संख्याही वाढू लागली आहे. त्यामुळे विभागीय आयुक्त डॉ. म्हैसेकर यांनी मास्क न वापरणा-या नागरिकांवर दंडात्मक कारवाई करण्याचा आदेश काढला. 

पुण्याच्या बातम्या वाचण्यासाठी येथे  क्लिक करा

महापालिका स्तरावर आयुक्त, नगरपालिका किंवा नगर पंचायत स्तरावर मुख्याधिकारी/प्रशासन अधिकारी, ग्रामपंचायत स्तरावर ग्रामविकास अधिकारी किंवा ग्रामसेवक आदेशाची अंमलबजावणी करतील, असेही आदेशात नमूद केले आहे.

पेट्रोल-डिझेलच्या दरात पुन्हा वाढ; आता...

दरम्यान, पिंपरी-चिंचवड शहरात कोरोनाचा कहर सुरूच आहे. अकरा मार्च रोजी शहरातील पहिला रुग्ण आढळला होता. सध्या रुग्ण संख्या दोन हजारांहून अधिक झाली आहे. गेल्या काही दिवसांपासून रुग्ण संख्येत झपाट्याने वाढ होत आहे. त्यामुळे सार्वजनिक ठिकाणी मास्क वापरणे सक्तीचे असून आयुक्तांनी दंडात्मक कारवाई सुरू केली आहे. त्या रकमेत आता विभागीय आयुक्तांनी वाढ केली आहे.

पुण्याच्या बातम्या वाचण्यासाठी येथे  क्लिक करा

सार्वजनिक ठिकाणी वावरताना अनेक जण मास्कचा वापर करत नसल्याचे आढळून आले आहे. कोरोना रोखण्याकरिता मास्क आवश्यक आहे. सर्व नागरिकांनी सक्तीने त्याचे पालन करणे आवश्यक आहे. 

दरम्यान, आतापर्यंत महापालिकेच्या आरोग्य विभागाने सार्वजनिक ठिकाणी मास्क न वापरणाऱ्या सुमारे चारशे जणांवर कारवाई केली आहे. त्यांच्या कडून दीड लाख रुपयांपेक्षा दंड वसूल केला आहे.