पिंपरी - पुणे महानगर परिवहन महामंडळाच्या (पीएमपीएमएल) बसने (PMPML Bus) दिलेल्या धडकेत (Dash) एकजण ठार (Death) झाला. ही घटना थेरगाव येथे घडली.

संतोष देवराम शिंदे (वय ४८, रा. काळेवाडी, रहाटणी ) या अपघातात मृत्यू झालेल्या व्यक्तीचे नाव आहे. याप्रकरणी हनुमंत पांडुरंग पवार (रा. साईनाथनगर, थेरगाव ) यांनी फिर्याद दिली आहे. त्यानुसार बसचालक संतोष दत्तात्रय पोळ (वय ३८, रा. जगतापनगर, थेरगाव) याच्यावर गुन्हा दाखल झाला आहे. शुक्रवारी (ता. २७) सकाळी सव्वा सातच्या सुमारास फिर्यादी व संतोष शिंदे हे दुचाकीवरून थेरगावातील आठवण चौकातील पुलाखालून रस्ता ओलांडत होते.

त्यावेळी काळेवाडी बाजूकडून बीआरटी रोडमधून जात असणाऱ्या पीएमपीएमएल इलेक्ट्रिक बसवरील चालकाने फिर्यादी यांच्या दुचाकीला जोरात धडक दिली. यामध्ये संतोष शिंदे यांचा मृत्यू झाला. तर फिर्यादी जखमी झाले. यामध्ये दुचाकीचेही नुकसान झाले. वाकड पोलिस अधिक तपास करीत आहेत.