पिंपरी : महापालिकेच्या वैद्यकीय आरोग्य विभागाने अतिजोखमीच्या कार्यक्षेत्रात संयुक्त कुष्ठरोग, क्षयरोग निदान कार्यक्रम हाती घेतला आहे. या कार्यक्रमांतर्गत चिंचवडगावामधील क्रांतिज्योती सावित्रीबाई फुले रुग्णालयात सक्रिय क्षयरोग शोध मोहीम, कुष्ठरोग शोध मोहीम आणि जनजागरण अभियानाचे उद्‌घाटन अतिरिक्त आयुक्त संतोष पाटील यांच्या हस्ते आज (ता.1) करण्यात आले.

 ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

यावेळी जागतिक आरोग्य संघटनेचे सल्लागार डॉ. कमलाकर लष्करे, पर्यवेक्षकीय नागरी कुष्ठरोग पथकाचे वैद्यकीय अधिकारी डॉ. ज्ञानदेव साबळे, अतिरिक्त आरोग्य वैद्यकीय अधिकारी डॉ. पवन साळवे, महिला वैद्यकीय अधिकारी डॉ. वर्षा डांगे, रुग्णालय प्रमुख डॉ. सुनील जॉन, ज्येष्ठ वैद्यकीय अधिकारी डॉ.बाळासाहेब होडगर, डॉ. अंजली ढोणे, माहिती व जनसंपर्क विभागाचे प्रफुल्ल पुराणिक उपस्थित होते.

अतिरिक्त आयुक्त पाटील म्हणाले, ""समाजातील सर्व क्षयरोग रुग्ण व कुष्ठरोग रुग्णांचा शोध घेऊन निदान निश्‍चिती नंतर औषधोपचार त्वरित सुरू करणे आवश्‍यक आहे. त्यानुसार महापालिकेतील अति जोखमीच्या कार्यक्षेत्रातील निदान न झालेले कुष्ठरोग व क्षयरोगाचे रुग्ण लवकरात लवकरशोधून संशयित क्षय रुग्णांचे थुंकी नमुने हे सीबीनॅट/ट्रयुनॅट मशिनद्वारे व एक्‍सरे तपासणी करणे व रुग्णांना त्वरित मोफत औषधोपचार करणे तसेच क्षयरोग व कुष्ठरोग विषयी जन जागृती करणे हा या मोहिमेचा मुख्य उद्देश आहे. तरी या मोहिमेसाठी सहकार्य करण्याचे आवाहन पाटील यांनी केले आहे.

पिंपरी-चिंचवड शहरात दोन जणांचा मृत्यू; तर 172 नवीन रुग्ण 

असे राबविणार अभियान
- कालावधीत - 1 ते 16 डिसेंबर 2020
कार्यक्षेत्रातील एकूण लोकसंख्या - 4, 49,750
-घरांचे सर्व्हेक्षण - 89, 950
-257 टीम व 52 पर्यवेक्षकांची नियुक्ती