देहू : देहूरोड कँटोन्मेंट बोर्डाच्या हद्दीतील बेकायदा आणि अनधिकृत बांधकामांवर बोर्ड प्रशासनाने कारवाई करावी, या मागणीसाठी देहूरोड, मावळ, पुणे जिल्हा रिपब्लिकन पार्टी ऑफ इंडिया (आठवले गट) यांच्या वतीने बोर्डाच्या कार्यालयासमोर गुरुवारपासून (ता. 13) आमरण उपोषणास सुरुवात झाली.
पिंपरी-चिंचवडच्या बातम्या वाचण्यासाठी येथे ► क्लिक करा
कोरोनाच्या काळात देहूरोड हद्दीत बेकायदा बांधकामे मोठ्या प्रमाणात झाल्याची तक्रार रिपब्लिकन पक्षाच्या वतीने करण्यात आली आहे. या बांधकामांवर कारवाई करण्याची मागणी करत पक्षाचे मावळ तालुकाध्यक्ष अमित छाजेड यांनी आमरण उपोषण सुरू केले आहे. यावेळी हरेश देखणे, पंढरीनाथ जाधव, विष्णुदास भोसले, पुरुषोत्तम पवार, लक्ष्मण ढिकाव, सविता घोरपडे, नितीन गायकवाड व इतर उपस्थित होते.
याबाबत बोर्डाचे कार्यालयीन अधिक्षक राजन सावंत यांनी सांगितले, की बोर्डाच्या हद्दीत बेकायदा बांधकामे सुरू असल्याची तक्रार केली आहे. त्यासाठी बोर्ड कार्यवाही सुरू करणार आहे. मात्र, सध्या कोरोनाचे रुग्ण मोठ्या प्रमाणात शहरात आहेत. तसेच, कारवाईसाठी पोलिस आणि मनुष्यबळ आवश्यक आहे. त्यामुळे आंदोलनकर्त्यांना कारवाई करण्यासाठी पंधरा दिवसांचा अवधी मागितला आहे. तसेच उपोषण सोडण्याचे आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.