पिंपरी : पिंपरी-चिंचवडमधील दीड महिन्यांचा चिमुकला आणि चार वर्षांचा त्याचा भाऊ दोघांनीही रविवारी (ता. 17) कोरोनावर मात केली. त्यांच्यासह सहा जण बरे होऊन आज घरी गेले. तर, विविध भागातील नऊ जणांना संसर्ग झाल्याचे आढळून आले.
पिंपरी-चिंचवड शहरातील वायसीएम व भोसरी रुग्णालयांत आजपर्यंत दाखल बाधित रुग्णांची संख्या 204 झाली आहे. आज (रविवारी) दिवसभरात नऊ जण बाधित आढळले. तर, सहा जण बरे होऊन घरी गेले. आजपर्यंत एकूण 125 रुग्ण बरे झाले आहेत. सध्या शहरातील 75 व पुण्यातील 10 जणांवर उपचार सुरू आहेत.
आज बाधित आढळलेले रुग्ण आनंदनगर चिंचवड, दिघी, विकासनगर किवळे, मोरेवस्ती चिखली, संभाजीनगर चिंचवड, पिंपळे गुरव येथील रहिवासी आहेत. तर आज बरे झालेले सहा जण मोशी, रुपीनगर, संभाजीनगर व चऱ्होली येथील आहेत.
पिंपरी चिंचवडच्या बातम्या वाचण्यासाठी येथे ► क्लिक करा
चिमुकल्यांचा विजय
संभाजीनगर परिसरातील दीड महिन्यांचा चिमुकला आणि त्याचा चार वर्षांचा भाऊ गेल्या चौदा दिवसांपासून वायसीएममध्ये उपचार घेत होते. आज ते बरे होऊन घरी गेले. दरम्यान, त्यांचे आजोबा अर्थात आईचे वडील यांनाही संसर्ग झालेला होता. त्यांनीही कोरोनावर मात केली आहे. ते मुंबईत नेरूळ परिसरात राहतात. हे दोघे भाऊ सुद्धा आईसह नेरूळलाच होते. पण, तेथून संभाजीनगरला घरी आल्यावर दुसऱ्या दिवशी दोन्ही भावांना त्रास झाला आणि त्यांना रुग्णालयात दाखल केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.