वाकड : आयटी पार्क हिंजवडी शेजारील पंचक्रोशीत गेल्या दोन वर्षांपासून सातत्याने बिबट्याचा वावर आढळला आहे गेल्या वर्षी नेरे येथील शेतकऱ्याच्या दोन वासरांना बिबट्याबे ठार केले तर पाच कोंबड्या फस्त केल्याची घटना देखील घडली असताना सोमवारी (ता २४)पुन्हा नेरे येथील उसाच्या फडात बिबट्याची मादी जातीचे तीन बछडे आढळून आले.

नेतेतील शेतकरी मोहन जाधव यांच्या शेतात ऊस तोडणी करताना विठ्ठल पालवे या कामागराला ही बछडी आढळली जाधव यांनी तात्काळ ही माहिती वनविभाला कळविली त्यानुसार घटनास्थळी पौडचे वनपरिक्षेत्र अधिकारी संतोष चव्हाण, वनपाल मीरा केंद्रे, वनरक्षक पांडूरंग कोपणर यांच्यासह प्राणी मित्र शेखर जांभूळकर, पशु वैद्यकीय अधिकारी डॉ. गणेश सोरटे, राहुल जाधव, अनिमल रेस्क्यू टीम, चॉईल्ड अनिमल अँड स्नेक प्रोटेक्शन, वन्यजीव रक्षक संघटेनेचे स्वयंसेवक दाखल झाले.

वन अधिकारी व रेस्क्यू टीमने ही बछडी ताब्यात घेतली असून लोकांची गर्दी टाळण्यासाठी वनपरीक्षेत्र कार्यालयात अधिकाऱ्यांच्या देखरेखीत ठेवण्यात आली आहेत. ही बछडे १५ दिवस ते महिनाभर वयाची असावीतत्यामुळे त्यांना त्यांच्या मादीची गरज असल्याने सायंकाळी जिथे बछडी सापडलीत्याच ठिकाणी ती पुन्हा सोडण्यात येणार आहेत त्यामळे बिबट्या मादी त्या बचड्यांना घेऊन जाईल त्यामुळे शेतकऱ्यांनी घाबरू नये असे आवाहनही वनपरिक्षेत्र अधिकारी संतोष चव्हाण यांनी केले.