ऊर्से, ता. १७ : धामणकर मळा येथील श्री राधा-कृष्ण मंदिरात श्रीकृष्ण जन्माष्टमी आणि दहीहंडी महोत्सवाचे औचित्य साधून विविध धार्मिक कार्यक्रमांचे आयोजन करण्यात आले होते.
कार्यक्रमाची सुरुवात श्रीकृष्ण अभिषेक, महापूजा, भजन आणि महाप्रसादाने झाली. सायंकाळी सहा वाजता पारंपरिक दहीहंडी महोत्सव उत्साहात पार पडला. यावर्षी दहीहंडी फोडण्याचा मान स्पोर्ट्स फाउंडेशन या गोविंदा पथकाने पटकावला. यावेळी ग्रामस्थ मोठ्या संख्येने उपस्थित होते. रात्री आढे येथील भैरवनाथ भजनी मंडळ यांचा कार्यक्रम झाला. श्री पद्मावती भजनी मंडळ यांची भजन सेवा झाली. पोलिस पाटील गुलाबराव आंबेकर, ऋषीनाथ भिलारे, गुलाब धामणकर, मुरलीधर ठाकूर, कैलास धामणकर, अमर शिंदे, बाळासो कारके, बाळकृष्ण धामणकर, सुभाष ठाकूर आदी उपस्थित होते. सूत्रसंचालन सदस्य सतीश कारके यांनी केले तर आभार रोहिदास धामणकर यांनी मानले.