उर्से, ता. २१ : परंदवडी (ता. मावळ) इंदिरा कॉलेज ऑफ इंजिनिअरिंग अँड मॅनेजमेंटच्या एनएसएस युनिटतर्फे कॉलेजच्या मुख्य प्रवेशद्वारावर हेल्मेट जनजागृती मोहीम राबविण्यात आली.
या मोहिमेची सुरुवात प्रभावी घोषवाक्यांचे बॅनर दाखवून करण्यात आली. हेल्मेट वापरणाऱ्यांना चॉकलेट देऊन कौतुक करण्यात आले, तर हेल्मेट न वापरणाऱ्यांना गुलाबाचे फूल देऊन सुरक्षिततेची जाणीव करून देण्यात आली. त्यानंतर रॅलीचे आयोजन करण्यात आले. यावेळी विद्यार्थ्यांनी ट्रॅफिक पोलीस अधिकारी व यमराज यांच्या भूमिकेतून थेट संदेश देऊन हेल्मेटचे महत्त्व पटवून दिले. कार्यक्रमाचा समारोप शपथविधी सोहळ्याने झाला. त्यानंतर स्वयंसेवकांनी प्रत्येक वर्गात जाऊन विद्यार्थ्यांना थेट मार्गदर्शन केले. या उपक्रमाचे प्राचार्य डॉ. नीलेश उके यांनी कौतुक केले; तर कार्यक्रम यशस्वी करण्यासाठी एनएसएस समन्वयक प्रवीण चरडे, विद्यार्थी समन्वयक व सर्व स्वयंसेवकांचे विशेष योगदान राहिले.