पिंपरी, ता. ५ : एकता महिला मंच व एकता प्रतिष्ठान डोणे यांच्या वतीने ग्रामदैवत श्री डोणुआईदेवी नवरात्र महोत्सव यावर्षी उत्साहात झाला. महोत्सवानिमित्त विविध मनोरंजक स्पर्धांचे आयोजन करण्यात आले होते. त्यात संगीत खुर्ची, स्ट्रॉ इन हेअर, मडके फोडणे, बादलीत चेंडू टाकणे आणि खेळ रंगला पैठणीचा अशा आकर्षक स्पर्धांचा समावेश होता. या स्पर्धांना महिलांनी आणि मुलींनी उत्स्फूर्त सहभाग नोंदवला. स्पर्धांमधील विजेत्या महिलांना व मुलींना बक्षीस वितरण करण्यात आले. या प्रसंगी एकता प्रतिष्ठानचे पदाधिकारी तसेच एकता महिला मंच डोणे नवरात्र उत्सव कार्यकारिणीचे सदस्य उपस्थित होते.
---