ऊर्से, ता. ९ : पुणे जिल्हा क्रीडा परिषद आयोजित बारामती येथे झालेल्या जिल्हास्तरीय शालेय नेटबॉल स्पर्धेत मावळातील निगडे येथील प्रतीक विद्यानिकेतन शाळेने यश मिळवले.
स्पर्धेत शाळेच्या विद्यार्थ्यांनी १७ वर्षाखालील मुले द्वितीय, १७ वर्षाखालील मुली तृतीय, १४ वर्षाखालील मुले तृतीय तर १४ वर्षाखालील मुली द्वितीय क्रमांक पटकाविला. या यशानंतर विभाग स्तरीय स्पर्धेत काही मुलांची निवड झाली आहे. सर्व संघांना मार्गदर्शन क्रीडा शिक्षक सुनील मंडलिक यांनी केले. शाळेचे मुख्याध्यापक, शिक्षक, कर्मचारी व ग्रामस्थांनी सर्व खेळाडू मुलांचे अभिनंदन केले. स्पर्धेत तेरा तालुक्यातील एकूण ४८ संघांनी सहभाग घेतला नोंदवला. स्पर्धेचे आयोजन क्रीडा शिक्षक गौतम जाधव, अशोक देवकर व सहकारी यांनी केले होते.