भोसरी, ता. २९ ः रयत शिक्षण संस्थेच्या भोसरीतील न्यू इंग्लिश स्कूलमध्ये कर्मवीर भाऊराव पाटील यांच्या जयंतीनिमित्त आयोजित वक्तृत्व स्पर्धेत लहान गटात प्रणिता शिरोडे, मोठ्या गटात समृद्धी कांबळे यांनी तर निबंध स्पर्धेत सई रणखांबे आणि गायन स्पर्धेत तन्वी जाधव यांनी प्रथम क्रमांक मिळविले.
माजी नगरसेवक अजित गव्हाणे, रयत शिक्षण संस्था पश्चिम विभागाचे सल्लागार समितीचे सदस्य सुदाम शिंदे, सतीशचंद्र जकाते, गोरख गवळी, धैर्यशील पवार, वसंत कदम, जयश्री सोनवणे आदींच्या हस्ते विजेत्यांना पारितोषिक देऊन सत्कार करण्यात आला. यावेळी मुख्याध्यापक दत्तात्रेय गायकवाड, नीलम राजगुरू, माणिक जयद, प्राचार्य शिवदास देठे आदी उपस्थित होते. शाळेचे स्थानिक सल्लागार मंडळ उपाध्यक्ष सुधीर बकरे, मदन सोलंकी, अशोक लांडगे यांनी शाळेला प्रत्येकी पन्नास हजाराच्या मदतीचा धनादेश दिला. कार्यक्रमासाठी पल्लवी रहाटे, मोनिका घुले, माधुरी सहाने, वैशाली खानझोडे, भगवान नितनवरे, रेखा सुरवसे आदींनी परिश्रम घेतले.
पारितोषिक विजेते अन्य स्पर्धक पुढील प्रमाणे ः वक्तृत्व स्पर्धा - (लहान गट) दीपश्री पाटील (द्वितीय), रेणुका मालखेडे (तृतीय). मोठा गट ः संस्कृती फराळ (द्वितीय), नंदिनी ब्रह्मराक्षे (तृतीय). निबंध स्पर्धा ः लहान गट - जेसिका मोहोड (द्वितीय), रेणुका मालखेडे (तृतीय). गायन ः प्रणिता शिरोडे (द्वितीय), पूर्वा शेजवळ (तृतीय).