चिंचवड : ता.११ : प्रेमलोक पार्क ते एमआयडीसी मुख्य रस्त्यावर गुन्हे शाखेच्या महिला सहाय्यक कक्षासमोर मोठ्या प्रमाणात खड्डे पडले आहेत. त्यामुळे वाहतूक धोकादायक झाली आहे. खड्ड्यांमध्ये वाहने आदळत आहेत. प्रसंगी दुचाकीस्वारांचा तोल जाऊन अपघात होण्याची शक्यता वाढली आहे.
रस्त्याच्या मधोमध खोल खड्डे असल्यामुळे वाहनचालकांना मार्ग काढणे कठीण झाले आहे. विशेषत: पाणी साचल्याने धोका आणखी वाढत आहे. याबाबत स्थानिक नागरिक अनिल देवगावकर यांनी या समस्येकडे प्रशासनाचे अनेकदा लक्ष वेधले. तसेच ‘सारथी’ ॲपवरदेखील तक्रारी केल्या. पण, तरीही अद्याप दुरुस्ती करण्यात आलेली नाही. असा आरोप नागरिक करत आहेत.