चिंचवड, ता.१४ ः संभाजीनगर येथे गुणवंत कामगार कल्याण मंडळाच्या पिंपरी चिंचवड, पुणे शहर व जिल्हा शाखेची सहावी वार्षिक सर्वसाधारण सभा उत्साहात पार पडली. सभेत पुरस्कारप्राप्त कामगारांचा सन्मान करण्यात आला.
मंडळाच्या संस्थापक अध्यक्षा डॉ.भारती चव्हाण सभेच्या अध्यक्षस्थानी होत्या. सभेत पुढील पाच वर्षांसाठी नवी कार्यकारिणी निवडण्यात आली. डॉ. चव्हाण यांची पुन्हा अध्यक्षपदी फेरनिवड झाली. तानाजी एकोंडे, महादेव धर्मे, राजेश हजारे, संजय गोळे, महमंदशरीफ मुलाणी व श्रीकांत जोगदंड यांच्यावर विविध पदांची जबाबदारी सोपविण्यात आली. तसेच पाच विभागीय कार्यालयांमार्फत कामगार कल्याणाच्या विविध योजना राबविल्या जात असल्याबाबतची माहिती देण्यात आली. बाळासाहेब साळुंके, नंदकिशोर धुमाळ, संदीप रांगोळे, उमेश फाळके, शिवराज शिंदे, संजय चव्हाण, साखरचंद लोखंडे आदी पुरस्कारप्राप्त कामगारांचा यावेळी सन्मान करण्यात आला.
अण्णासाहेब मगर स्टेडियमच्या मोबदल्यात महाराष्ट्र कामगार कल्याण मंडळाला अजमेरा येथे मिळालेल्या भूखंडाचे लवकर हस्तांतरण करुन तेथे भव्य कामगार भवन उभारावे, अशी मागणी सभेत करण्यात आली.
तानाजी एकोंडे यांनी प्रास्ताविक केले. राजेश हजारे यांनी सूत्रसंचालन केले; तर महेंद्र गायकवाड यांनी आभार मानले.
CWD25A02260
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.