चिंचवड, ता. ३० ः इंदिरानगर परिसरातील नागरिकांच्या तक्रारीनंतर जलनिस्सारण विभागाने चेंबर दुरुस्तीचे काम हाती घेतले होते. दिवाळीपूर्वी नवीन चेंबर व वाहिनी टाकून काम पूर्ण करण्यात आले, मात्र त्या कामासाठी दहा ते १५ मीटरचा रस्ता खोदण्यात आला होता. हा रस्ता धोकादायक व खोदलेल्या अवस्थेत तसाच होता. मात्र ‘इंदिरानगर मध्ये रस्त्यावरील खड्ड्यामुळे नागरिक त्रस्त’ हे वृत्त ‘सकाळ’ मध्ये प्रसिद्ध झाल्यावर जलनिस्सारण विभागाचे उप अभियंता दीपक करपे यांच्या निरीक्षणाखाली योगेश सुलाने कनिष्ठ अभियंता यांनी रस्त्याचे काम पूर्ण केले. याबद्दल परिसरातील नागरिकांनी संबंधित अधिकाऱ्यांचे कौतुक केले.