चिंचवड, ता. १५ ः थरमॅक्स चौक ते केएसबी चौक या मुख्य रस्त्यावर असलेल्या शाहूनगरकडे जाणाऱ्या बर्ड व्हॅली चौक परिसरात गेल्या महिन्याभरापासून सुरू असलेली पाणीगळतीमुळे पाणी वाया जात होते. ती पाणीगळती थांबविण्यात महापालिका पाणीपुरवठा विभाग तसेच एमआयडीसी विभागाला यश आले आहे. या पाणीगळतीमुळे दररोज लाखो लिटर पिण्याचे पाणी वाया जात होते तसेच रस्त्यावर चिखल व सर्वत्र पाणी पसरले होते. ‘‘बर्ड व्हॅली चौकात लाखो लिटर पाणी वाया’ ही बातमी ‘सकाळ’मध्ये (ता. ३१) आली. दोन्ही विभागांनी एकत्र येऊन यावर काम करून ही पाणीगळती थांबवली. त्यामुळे लाखो लिटर वाया जाणारे पाणी वाचवले आहे. त्याबद्दल परिसरातील नागरिकांनी आनंद व्यक्त केला आहे.

शाहूनगर ः बर्ड व्हॅली चौकामध्ये पाणीगळती गळती थांबविण्यात यश आले आहे.