चिंचवड, ता.१ः न्यू इंग्लिश स्कूलमध्ये १९९८ सालच्या दहावी च्या माजी विद्यार्थ्यांचा स्नेहमेळावा पार पडला. या वेळी सुमारे ३५ ते ४० विद्यार्थ्यांनी उपस्थित होते.
कार्यक्रमात विद्यार्थ्यांनी स्वतःची ओळख व मनोगत व्यक्त करत जुन्या आठवणींना उजाळा दिला. सर्व शिक्षकांचा सत्कार करण्यात आला. ‘फूल नाही फुलाची पाकळी’ या भावनेने विद्यार्थ्यांनी संस्थेसाठी १५० लिटरचा वॉटर कुलर आणि प्युरिफायर भेट दिला.
या कार्यक्रमाचे नियोजन हरिश लालवानी, श्रीपाद जाधव, प्रांजल केळकर, मनिषा मोरे, ज्योती इंदलकर, धनश्री प्रभुणे, ओवी यादव, श्रद्धा चिंचवडे आदींनी केले. २७ वर्षांनंतर पुन्हा एकदा वर्गात बसण्याचा अनुभव घेताना विद्यार्थ्यांच्या चेहऱ्यावर समाधान झळकत होते. स्नेहमेळाव्याचा समारोप सर्वांच्या आभार प्रदर्शनाने झाला.