देहू, ता. २५ : देहू मजरे माळवाडी विविध कार्यकारी सेवा सहकारी संस्थेची वार्षिक सर्वसाधारण सभा मंगळवारी (ता. २३) उत्साहात पार पडली. महिलांसाठी शेतीपूरक व्यवसाय सुरू करणे आणि पूर्वी बोगस कर्जदार यांच्यावर कायदेशीर कारवाई करावी, असा ठराव सभेत करण्यात आला. संस्थेचे भाग भांडवल वाढविणे, थकीत कर्ज वसुली करणे व आरो प्लँट उभारणे आदी विषय मंजूर करण्यात आले. माजी सरपंच मधुकर कंद अध्यक्षपदी होते. यावेळी संस्थेचे अध्यक्ष पांडुरंग काळोखे, दुर्गाजी चव्हाण, सचिव गजानन रणपिसे, रवी काळोखे, विलास मोरे, राजू काटे, नंदू काळोखे, सतिश काळोखे आदी उपस्थित होते.
---