देहू, ता. ३ : ‘शंभर वर्षांपूर्वी राष्ट्रीय स्वयंसेवक संघाची स्थापना झाली तेव्हा केवळ १३ स्वयंसेवक होते. आज देशात ३५ कोटी संख्या असून ६० देशांमध्ये संघ कार्यरत आहे. भविष्यात १४० कोटी जनतेपर्यंत पोहोचायचे आहे. त्यासाठी समाजमय संघ घडवणे गरजेचे आहे,’ असे प्रतिपादन राष्ट्रीय स्वयंसेवक संघाचे पुणे कार्यवाह मुकुंद कुलकर्णी यांनी गुरुवारी (ता. २) देहू येथे केले. राष्ट्रीय स्वयंसेवक संघ देहू शाखेच्या वतीने विजयादशमी उत्सव डिव्हाईननेस्टच्या प्रांगणात साजरा करण्यात आला. त्यावेळी संघ कार्यकर्त्यांना मार्गदर्शन करताना ते बोलत होते. या वेळी गाथा मंदिराचे व्यवस्थापक रामकृष्ण महाराज घुले, विनोद बंसल, रमेश शिंदे, नरेश गुप्ता आदी उपस्थित होते. देहूतील आरएसएस कार्यकर्त्यांकडून पथसंचलन करण्यात आले.
---