इंदोरी, ता. ३१ ः जिल्हा परिषद प्राथमिक शाळा पानसरे वस्ती व सरस्वती मंदिर या शाळांना वडगाव लायन्स क्लबच्या वतीने सीसीटीव्ही, स्मार्ट टीव्ही आणि संगणक संच देण्यात आले. यासाठी ग्रामपंचायत सदस्या लतिका शेवकर व नीलेश शेवकर यांनी प्रयत्न केला. क्लबचे सभासद गुलाब म्हाळसकर व नगरसेवक भूषण मुथ्था यांचे हस्ते शैक्षणिक साहित्य प्रदान केले. अध्यक्षस्थानी सरपंच शशिकांत शिंदे होते. कार्यक्रमास सुनीत कदम, बाळासाहेब बोरावके, नंदकिशोर गाडे, संदीप ढोरे, बेबीताई बैकर, बाळकृष्ण पानसरे यांची उपस्थिती होती. कार्यक्रमानंतर विद्यार्थ्यांना खाऊचे वाटप करण्यात आले. प्रास्ताविक अरुण हुलगे यांनी केले. आभार लतिका शेवकर तर सूत्रसंचालन विशाल पवार यांनी केले.

इंदोरी ः वडगाव लायन्स क्लबच्या वतीने इंदोरी येथील शाळांना शैक्षणिक साहित्य प्रदान केले.
(फोटो व्हाटस् अपवर पाठवित आहे.)