इंदोरी ः इंदोरी येथे मतदान केंद्रावर सकाळपासून मतदारांच्या रांगा लागलेल्या दिसत होत्या. विशेषत: महिलांमध्ये विशेष उत्साह होता. मतदान प्रक्रिया उत्साहात, शांततेत व शिस्तीत पार पडत आहे. येथील जिल्हा परिषदेच्या प्राथमिक शाळेत चार, तर सरस्वती विद्यामंदिर शाळेत दोन मतदान केंद्रांचे नियोजन करण्यात आले होते. दुपारी तीन वाजेपर्यंत एकूण मतदार ७३४४ पैकी ३६५६ मतदारांनी मतदानाचा हक्क बजावला. ही आकडेवारी सुमारे ५० टक्के होती. उर्वरित अडीच तासांत एकूण मतदानाची टक्केवारी अंदाजे ७५ टक्क्यांपर्यंत जाण्याचा अंदाज आहे. मागील निवडणुकांच्या अनुभवानुसार असा अंदाज बहुतेक कार्यकर्त्यांनी व्यक्त केला. दुपारनंतर मतदानासाठी रांगा वाढत असतात, असे त्यांनी नमूद केले. यावेळी राजकीय पक्षांचे बूथ प्रथमच मतदान केंद्रांपासून २०० मीटर दूर अंतरावर उभारण्यात आले होते. हे पोलिस यंत्रणेसासाठी सोयीचे झाले.
-----------------------------------