पिंपरी : जाधववाडी परिसरातील स्पाइन रोडवरील सरदार चौक येथे छावा वाहनचालक मालक कामगार संघातर्फे स्वच्छता मोहीम राबविण्यात आली. विजयादशमी आणि महात्मा गांधी जयंती यानिमित्त हा उपक्रम राबविण्यात आला. यावेळी छावा वाहन चालक मालक कामगार संघ संस्थापक अध्यक्ष बाळासाहेब ढवळे, उपाध्यक्ष लक्ष्मण शेलार, सचिव स्वप्नील भालेकर, रवींद्र लंके, विनायक ढोबळे, अविनाश जोगदंड, दीपक ताटे, महादेव थोरात, शंकर गायकवाड, सिद्धेश्वर मोरे, गणेश पवार, अनिल पवार व परिसरातील नागरिकांनी या उपक्रमात सहभाग घेतला. यावेळी परिसर स्वच्छ करून कचरा, प्लॅस्टिक, कागद इतर साहित्य संकलित करण्यात आले.