किवळे, ता. २८ : साथी सोशल फाउंडेशनच्या वतीने विकासनगर, किवळे येथील २६ गरजू, गरीब विद्यार्थ्यांना प्रत्येकी पाच हजार रुपयांची आर्थिक मदत करण्यात आली. या उपक्रमाचे सर्वत्र कौतुक होत आहे.
विकासनगर येथील अक्सा मशीद येथे हा कार्यक्रम आयोजित करण्यात आला होता. काही विद्यार्थिनींनी फाउंडेशनचे अध्यक्ष करीम तांबोळी यांची भेट घेऊन घरच्या बेताच्या आर्थिक परिस्थितीमुळे शिक्षणात अडचणी येत आहेत. त्यामुळे शैक्षणिक मदत करण्याची विनंती केली होती. त्यानुसार साथी सोशल फाउंडेशनकडून या तीन विद्यार्थिनींसह एकूण २६ विद्यार्थ्यांना शिक्षणासाठी प्रत्येकी पाच हजार रुपयांचा धनादेश देण्यात आला. यावेळी आझम मोमीन, डॉ. शमीम शेख, करीम तांबोळी, हाजी मोहम्मद अली शेख, शाहसाब शेख, अमीर अत्तार, मुफ्ती अब्दुल्ला सैयद, सलीम मोमिन, कासिम शेख व अक्सा मशिदीचे ट्रस्टी मुशीर पठाण, मौलाना यहसान, अन्वर शेख, सालार शेख, मोहसीन शाह आदी उपस्थित होते.