लोणावळा, ता. ९ : येथे आंतरशालेय देशभक्तिपर समूहगीत स्पर्धेत येथील सिंहगड पब्लिक स्कूल व कैवल्य विद्यानिकेतन या विद्यालयांनी प्रथम क्रमांक पटकाविला. स्वातंत्र्यदिनाचे औचित्य साधत रोटरी क्लब ऑफ लोणावळा यांच्या वतीने सलग दुसऱ्या वर्षी तुंगार्लीतील कैवल्य विद्यानिकेतन येथे ही स्पर्धा पार पडली.
याप्रसंगी फौजदार अनिल केरूरकर, कैवल्य विद्यानिकेतनचे संचालक डॉ. नारायण दत्त जोशी, प्राचार्या भारती कावडे, रोटरीच्या अध्यक्षा विजया कल्याण, सचिव मुस्तफा कॉन्ट्रॅक्टर, प्रकल्प संचालक तसनीम बोहरी व क्लबमधील सदस्य हजर होते. चंद्रकांत जोशी व सुनील कोपरकर यांनी या संगीत स्पर्धेचे परीक्षण केले. स्पर्धेत लोणावळ्यातील सात प्रमुख विद्यालयातून जवळपास दोनशे विद्यार्थी सहभागी झाले होते.

स्पर्धेचा निकाल ः
इयत्ता पाचवी ते सातवी - सिंहगड पब्लिक स्कूल (प्रथम), आंतर भारती बालग्राम, भुशी (द्वितीय), कैवल्य विद्यानिकेतन (तृतीय); इयत्ता आठवी ते दहावी - कैवल्य विद्यानिकेतन (प्रथम), गुरुकुल हायस्कूल (द्वितीय), ॲड. बापूसाहेब भोंडे हायस्कूल (तृतीय), रायवुड इंटरनॅशनल स्कूल (विशेष बक्षिस)