लोणावळा, ता.२० : बंकिमचंद्र चट्टोपाध्याय यांनी लिहिलेल्या ‘वंदे मातरम्’ या स्तुतीगीताला १५० वर्षे पूर्ण होत आहेत. या निमित्त अभिवाचनात्मक व दृकश्राव्य माध्यमातून ‘वंदे मातरम्’ निर्मितीस उजाळा देण्यात आला.
यासाठी लोणावळ्यात शिवसेवा प्रतिष्ठान व मल्हार प्रोडक्शनतर्फे ‘धगधगती गाथा एका राष्ट्रमंत्राची- वंदे मातरम् १५०’ कार्यक्रमाचे आयोजन करण्यात आले होते. यावेळी अभ्यासक मिलिंद सबनीस, दिग्दर्शक प्रसाद कुलकर्णी, अभिषेक खेडकर, प्रदीप फाटक, अवंती लोहकरे, लोणावळा कॉलेजचे प्राचार्य डॉ. नरेंद्र देशमुख, शिवसेवा प्रतिष्ठानचे अध्यक्ष धनंजय चंद्रात्रे, राजेश कामठे, प्रमोद देशपांडे आदींसह इतिहासप्रेमी नागरिक मोठ्यासंखेने उपस्थित होते.
दरम्यान, ‘वंदे मातरम्’ गीताचा वर्धापन दिन साजरा करण्यासाठी लोणावळ्यात विविध कार्यक्रमांचे आयोजन करण्यात आल्याची माहिती धनंजय चंद्रात्रे यांनी दिली.

छायाचित्र: LON25B04621
लोणावळा: ‘धगधगती गाथा एका राष्ट्रमंत्राची’ कार्यक्रमात सहभागींचा सन्मान करण्यात आला.