लोणावळा, ता. १० : मालकाची दुचाकी आणि मोबाईल चोरून कामगार फरार झाला. या प्रकरणी लोणावळा ग्रामीण पोलिस ठाण्यात गुन्हा दाखल झाला आहे.
या प्रकरणी संदीप कोंडीबा ढमाले (रा. शिळींब, ता. मावळ, जि. पुणे) यांनी फिर्याद दिली. आरोपी सुभाष भोसले (रा.सारोळा, जि.लातूर) हा त्यांच्याकडे मजुरीचे काम करायचा. शेतातील खोलीसमोरून दुचाकी आणि मोबाईल चोरून तो पसार झाला. आरोपीचा लातूर जिल्ह्यातील औसा व सारोळा गावात शोध घेण्यात आला, मात्र आरोपीचा ठावठिकाणा लागला नाही. वडगाव मावळ न्यायालयाचे प्रथम वर्ग न्यायदंडाधिकारी यांनी आरोपीविरोधात स्टॅंडिंग अटक वॉरंट काढले आहे. आरोपीविषयी माहिती असल्यास पोलिसांशी संपर्क साधण्याचे आवाहन करण्यात आले आहे. पोलिस निरीक्षक दिनेश तायडे यांच्या मार्गदर्शनाखाली हवालदार विजय गाले अधिक तपास करीत आहेत.