लोणावळा, ता. ११ : ‘संपर्क- सोशल अ‍ॅक्शन फॉर मॅनपॉवर क्रिएशन’, रोटरी क्लब ऑफ तळेगाव दाभाडे आणि ऑन्को-लाइफ कॅन्सर सेंटर यांच्या संयुक्त विद्यमाने स्तनाचा कर्करोग व हिमोग्लोबिन तपासणी शिबिर आयोजित करण्यात आले आहे.
मळवलीतील संपर्क केंद्रात बुधवारी (ता.१२) व गुरुवारी (ता.१३) हे शिबिर होणार आहे.
‘आरोग्य निवडा, जीवन निवडा, लवकर तपासणी करा’ या संदेशासह महिलांमध्ये स्तनाच्या कर्करोगाबाबत जागरूकता निर्माण करणे आणि हिमोग्लोबिन तपासणीद्वारे रक्तातील कमतरता ओळखणे हा या उपक्रमाचा उद्देश आहे, अशी माहिती आयोजकांच्या वतीने देण्यात आली. आरोग्य तपासणीसाठी नागरिकांना या शिबिराचा लाभ घेण्याचे आवाहन आयोजकांनी केले आहे.