लोणावळा, ता. २६ : येथील मीरा महिला बहुउद्देशीय सेवाभावी संस्थेच्या अध्यक्षा रेश्मा शेख यांना राष्ट्रीय नारी भूषण सन्मान पुरस्कार प्रदान करण्यात आला. वीर स्वामी शैक्षणिक आणि सामाजिक विकास संस्था तसेच महाराष्ट्र लोककल्याणकारी सेवा संस्था, पनवेल यांच्या महिला विकास सेलच्या वतीने हा पुरस्कार प्रदान करण्यात आला.
महिला सशक्तीकरण, महिलांना कौशल्य प्रशिक्षण देणे आणि व्यावसायिक मार्गदर्शन आणि त्यांना रोजगार निर्मितीच्या संधी निर्माण करणे याबाबत मीरा महिला बहुउद्देशीय सेवाभावी संस्था काम करते.
उपजिल्हाधिकारी निशा वैदू, सेवानिवृत्त पोलिस अधिकारी रेहाना शेख, वकील उच्च न्यायालयाच्या वकील अॅड. संगीता रोकडे, एन. डी. खान, प्रा. संजय हिरेमठ, डॉ. रत्नप्रभा म्हात्रे आदी यावेळी उपस्थित होते.