मोशी, ता. ७ : पुणे जिल्हा शिक्षण मंडळाच्या मोशीतील प्राथमिक विद्यालयात दिवाळी सणाच्या स्वागतार्थ विद्यार्थ्यांसाठी ‘आकाश कंदील तयार करा’ हा उपक्रम उत्साहात पार पडला. लहानग्या विद्यार्थ्यांच्या कल्पकतेने आणि सर्जनशीलतेने शाळेचा प्रत्येक कोपरा उजळून निघाला.
शिक्षकांच्या मार्गदर्शनाखाली विद्यार्थ्यांनी कार्डशिट, क्राफ्ट पेपर तसेच पुनर्वापर करता येणारे पर्यावरणपूरक साहित्य वापरून आकर्षक व सुबक आकाश कंदील तयार केले. दिवाळीच्या पारंपरिक सजावटीला आधुनिकतेची जोड देत विद्यार्थ्यांनी विविध रंग, आकार आणि नक्षीकामाचा सुंदर संगम साकारला. पारंपरिक षटकोनी, चांदणी, घुमटाकार, अंडाकृती, गोलाकार, विविध फुलांचे आकार आदी प्रकारात विद्यार्थ्यांनी आकाश कंदील साकारले.
शिक्षक सविता बेळ्ळे आणि शरद शेळके यांनी विद्यार्थ्यांना मार्गदर्शन केले. मुख्याध्यापिका सुनीता गवारे यांनी विद्यार्थ्यांचे कौतुक केले.
MOS25B03923
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.