मोशी, ता. १४ : समाजातील वंचित, कातकरी आणि गरीब कुटुंबांची दिवाळी गोड करण्याचा माणुसकीचा दीप यंदाही भूगोल फाउंडेशनने उजळला. ‘एक हात मदतीचा, माणुसकीचा दीप म्हणजे दिवाळी’ या संकल्पनेतून संस्थेच्यावतीने खेड तालुक्याच्या चिखलगाव, माजगाव, कळमोडी या दुर्गम भागांत दिवाळी फराळ, कपडे, शालेय साहित्य वाटप करण्यात आले.
ॲड. संभाजीराव मिंडे यांच्या मार्गदर्शनाखाली सुमारे १०० कुटुंबांना नवीन कपडे, दिवाळी फराळ, शालेय साहित्य वाटप करण्यात आले. या उपक्रमात इंद्रायणी सेवा संघ, संतनगर मित्र मंडळ, आपला म्युझिकल ग्रुप, वटेश्वर महिला भजनी मंडळ आणि भूगोल फाउंडेशन महिला आघाडी यांनी उत्साहाने सहभाग घेतला.
इंद्रायणी सेवा संघाचे अध्यक्ष विठ्ठल वीर, बाळासाहेब कराळे, विठ्ठल वाळुंज, निकुंज रेंगे, एकनाथ फटांगडे, मनोज माकोडे, सुनील काटकर, सुनील बांगर, रमेश पामलवाड, सुहास चव्हाण, विशाल शेवाळे, कृष्णा चव्हाण, शोभा फटांगडे, सुनीता बिरादार आदींनी सहभाग घेतला.
MOS25B03950