सकाळ इम्पॅक्ट
रावेत, ता. २४ : आकुर्डीमधील उर्सुला शाळेजवळील अनेक महिन्यांपासून दुर्लक्षित असलेल्या आणि नागरिकांच्या तक्रारींचे केंद्र ठरलेल्या खराब रस्त्याच्या कामाला अखेर सुरुवात झाली आहे. ‘सकाळ’ने खराब रस्त्याचे वृत्त प्रसिद्ध केले होते. महापालिका प्रशासनाने त्याची दखल घेत रस्त्याच्या दुरुस्तीला सुरूवात केली आहे.
सध्या रस्त्याच्या पायाभूत तयारीला सुरुवात झाली असून खडी टाकून रस्ता समतल केला जात आहे. येत्या काही दिवसांत डांबरीकरणाचे काम देखील पूर्ण होण्याची अपेक्षा आहे. पावसाळ्याच्या दिवसांत रस्ता खड्ड्यांनी पूर्ण भरलेला होता. शालेय विद्यार्थी आणि त्यांच्या पालकांना चिखल, खडी आणि साचलेल्या पाण्यामुळे प्रचंड त्रास सहन करावा लागत होता. स्थानिक नागरिक नितीन जाधव म्हणाले, ‘‘रस्त्याचे काम खूप आधी व्हायला हवे होते. मुलांना शाळेत पाठवताना दररोज त्रास होत होता. आता रस्त्याचे काम सुरू झाल्यामुळे समाधान वाटत आहे.’’
अंतर्गत जल आणि जलनिस्साण वाहिन्यांमुळे रस्त्याच्या सपाटीकरणाला अडचण येत होती. ही वाहिनी दुसरीकडून टाकण्यात आल्याने रस्त्याचे काम करण्यास मदत झाली. सध्या कच्चे डांबरीकरण करण्यात आले आहे. पाऊस थांबला की पक्के डांबरीकरण करण्यात येईल.
- महेश बरिदे, कार्यकारी अभियंता, ‘अ’ क्षेत्रीय कार्यालय
NGI25B00675
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.