निगडी, ता. ५ ः निगडी प्राधिकरण येथील श्री दत्त मंदिरात दत्त जयंतीनिमित्त विविध कार्यक्रमाचे आयोजन केले होते. प्राधिकरण येथील एल. आय. जी. कॉलनीतील दत्त मंदिरात फुलांची व फळांची सजावट करण्यात आली होती. स्वप्नपूर्ती, वैदेही या भजनी मंडळांनी सेवा दिली. नाट्यसुगंध हा कार्यक्रम झाला. स्नेहल पुरंदरे यांचे कीर्तन झाले. रात्री पालखी सोहळा झाला. सुरेश कुलकर्णी सहकारी यांचा अभंग रंगचे आयोजन केले होते. दिगंबर दिगंबरा श्रीपाद वल्लभ दिगंबरा असा जयघोष करीत भाविकांनी दर्शन घेतले. अभिषेक, आरती, भजन, कीर्तन तसेच भक्ती गीतांच्या कार्यक्रमाचा भाविकांनी आनंद घेतला. दत्त जन्माचा पाळणा गाऊन जन्मोत्सव साजरा करण्यात आल्याची माहिती मुख्य पुजारी नंदू पंचपोर यांनी दिली.