जुनी सांगवी, ता. १० ः मारुती मंदिर ट्रस्ट व समस्त सांगवी ग्रामस्थांच्यावतीने आयोजित कार्तिक स्नान काकड आरती सांगता सोहळा उत्साहात झाला. प्रसिद्ध कीर्तनकार हभप माऊली महाराज कदम (छोटे माऊली) यांनी काल्याच्या कीर्तनात देव आणि भक्तांचे नाते सहज सोप्या पद्धतीने उलगडून सांगितले.
मारुती मंदिरात वरील सोहळा उत्साहात पार पडला. या सोहळ्यानिमित्ताने सकाळी ८ वा. दिंडी प्रदक्षिणा, कीर्तन सोहळा व महाप्रसादाचे आयोजन करण्यात आले. यावेळी आप्पा बागल, अरूण पवार, बब्रुवाहन वाघ महाराज, अरूण शिंदे, सुदाम महाराज फुगे, काळुराम महाराज इंगवले, सुरेश काटे, शिवाजीराव काटे आदी उपस्थित होते.
श्री संतश्रेष्ठ ज्ञानेश्वर महाराज आणि जगतगुरु तुकाराम महाराज यांच्या अभंगावर आधारित कीर्तनात खरा आनंद आणि समाधान हे सांसारिक सुखात नसून ईश्वराच्या संगतीत आहे. ज्याला भक्तिभावाने आत्मसात केले. त्याला जीवनातील सर्व भोगांपासून निश्चिंती लाभते, असे त्यांनी नमूद केले. अशोक ढोरे पाटील, सतपाल ढोरे, मनोहर ढोरे, कुमार ढोरे, बाळासाहेब शितोळे, सूर्यकांत ढोरे, गौरव ढोरे, आदित्य ढोरे आदींनी संयोजन केले.