पिंपरी, ता. १ : ज्येष्ठ साहित्यिक डॉ. आनंद यादव यांच्या ९० वा जन्मदिनानिमित्त ‘आनंदयात्री’ या कार्यक्रमाचे आयोजन करण्यात आले. यासाठी समरसता साहित्य परिषद आणि डॉ. आनंद यादव अभ्यास मंडळ यांनी नियोजन केले.
या कार्यक्रमास ज्येष्ठ साहित्यिक पद्मश्री गिरीश प्रभुणे, प्रा. डॉ. कीर्ती मुळीक, ज्येष्ठ ग्रामीण साहित्यिक हरिहर कुलकर्णी यांची प्रमुख उपस्थिती होती. निगडीतील स्व. दत्तोपंत म्हसकर सार्वजनिक विश्वस्त संस्था सभागृह येथे हा कार्यक्रम पार पडला. यावेळी ‘‘डॉ. आनंद यादव यांनी ग्रामीण वास्तव आपल्या साहित्यातून साकारले,’’ असे मनोगत ज्येष्ठ साहित्यिका डॉ. अश्विनी धोंगडे यांनी व्यक्त केले.
मानसी चिटणीस यांनी प्रास्ताविक केले. हेमंत जोशी, मंगला पाटसकर, दत्तात्रय मस्के, ऋचा कर्वे, अशोक होनराव, श्रद्धा चटप, यांनी आनंद यादव यांच्या कवितांचे अभिवाचन केले. कवि चंद्रकांत चाबुकस्वार यांच्या अध्यक्षतेखाली झालेल्या निमंत्रितांच्या कविसंमेलनात सोमनाथ सुतार, सोमनाथ टकले, जनार्दन धुमाळ, वैशाली गावंडे, राजेश चौधरी आणि संजय माने यांनी सादरीकरण केले. स्नेहा पाठक, उज्ज्वला केळकर यांनी सूत्रसंचालन केले. डॉ. जनार्दन भोसले यांनी आभार मानले.