पिंपरी, ता. १३ : अपघाताच्या कारणावरून झालेल्या मारहाणीत एका तरुणाचा मृत्यू झाला. वाकड येथील मानकर पार्किंगमध्ये २९ नोव्हेंबरला हा प्रकार घडला. सचिन धोंडीबा सोनकांबळे (वय २८) असे मृताचे नाव आहे. याप्रकरणी त्यांचे भाऊ विठ्ठल धोंडीबा सोनकांबळे (रा. दापशेड, ता. रोहा, जि. नांदेड) यांनी वाकड पोलिस ठाण्‍यात फिर्याद दिली. त्यानुसार पोलिसांनी शुक्रवारी (ता. १२) रात्री कमलचंद, वशिष्ट ऊर्फ अजय मुळीक, अजय शेळके व हरिदास ऊर्फ पप्‍पू मोरे यांच्यावर खूनाचा गुन्हा दाखल केला आहे. सचिन हे लक्ष्मी हॉलीडेज या ट्रॅव्हल्स कंपनीची बस चालवायचे. त्यांच्या बसचा २८ नोव्हेंबरला चाकण परिसरात अपघात झाला होता. यावरून आरोपींनी कोणत्‍यातरी वस्तूने त्यांच्या डोक्यात मारले. यात गंभीर दुखापत झाल्याने सचिन यांचा मृत्यू झाला.
----------------