पिंपरी : पिंपरी चिंचवड मधील कायदा आणि सुव्यवस्था कायम राहावी, नागरिकांना तत्काळ मदत मिळावी, यासाठी अजित पवार नेहमी प्रयत्नशील असायचे. पिंपरी चिंचवडसाठी १५ ऑगस्ट २०१८ रोजी स्वतंत्र पोलिस आयुक्तालय स्थापन झाले. आयुक्तालयासाठी कशाचीही कमतरता भासू नये, यासाठी अजित पवार यांनी मोठ्या प्रमाणात निधी उपलब्ध करून दिला. दहा महिन्यांपूर्वीच चिखलीत आयुक्तालयाच्या भव्य स्वतंत्र इमारतीचे भूमिपूजन झाले. या कार्यक्रमास पवार उपस्थित होते. जिल्हा नियोजन आणि विकास समितीच्या माध्यमातून त्यांनी मोठ्या प्रमाणात निधी उपलब्ध करून दिला. त्यामुळे पोलिस दलात चारचाकी व दुचाकी वाहने सध्या मोठ्या प्रमाणात दाखल झाली आहेत. यासह इतर यंत्रणा उभारणीसाठी त्यांनी निधी कुठेही कमी पडू दिला नाही.

निधीला तत्काळ मंजुरी
पीएमआरडीएमार्फत पोलिस आयुक्तालयासाठी वाकड येथील पेठ क्रमांक ३९ मधील १५ एकर जागा उपलब्ध करण्यात आली. पोलिस आयुक्त विनयकुमार चौबे यांनी नगर विकास विभागाकडे पाठपुरावा केला. या जागेसाठी आवश्यक असलेला २४९.१२ कोटी रुपये निधी त्यांनी तत्काळ मंजूर केला.
-----
फोटो
90118
-----