पिंपळे गुरव, ता. ४ ः नवी सांगवी येथील तथागत बहुउद्देशीय सामाजिक संस्था, सुभेदार रामजी आंबेडकर वाचनालय यांच्या संयुक्त विद्यमाने ६९ व्या धम्मचक्र प्रवर्तन दिनानिमित तथागत भगवान बुद्ध, सम्राट अशोक विचार प्रचार व प्रसार व संविधान जागर दुचाकी फेरी काढण्यात आली. तत्पूर्वी, कार्यक्रमाचे प्रमुख वक्ते विधी तज्ज्ञ ॲड. आर.बी. शरमाळे यांनी याप्रसंगी आपले विचार मांडले. अध्यक्षस्थानी जालिंदर सरवदे होते. याप्रसंगी राजेंद्र जगताप, शिवाजी पाडळे, राहुल काकडे, राजेश सरतापे, नारायण भागवत, भरत कुंभार, चंद्रकांत वाकोडे, आदी उपस्थित होते. महेंद्र कदम यांनी प्रास्ताविक केले. दीपक म्हस्के यांनी सूत्रसंचालन केले. मगन सावंत यांनी आभार मानले.