पिंपळे गुरव, ता. ८ ः नवी सांगवी येथील टण्णू प्राथमिक शाळेत सावित्रीबाई दत्तक पालक योजनेअंतर्गत आर्थिकदृष्ट्या मागास विद्यार्थ्यांना शैक्षणिक मदतीचे धनादेश वितरित करण्यात आले. या कार्यक्रमास ओम साई फाउंडेशनचे अध्यक्ष संजय मराठे, मुख्याध्यापिका लता सावळे, लक्ष्मण पोळ, योगिता रावडे, सौरभ निकाळजे, विनोद कदम यांच्यासह सर्व शिक्षक व शिक्षकेतर कर्मचारी उपस्थित होते. या योजनेतून दरवर्षी दानशूर व्यक्तींच्या सहकार्याने गरजू विद्यार्थ्यांची शालेय शुल्क भरून त्यांच्या शिक्षणाला हातभार लावला जातो. सुनील दरेकर यांनी सूत्रसंचालन केले. उषा पोळ यांनी आभार मानले.