पिंपरी, ता. २६ : जिल्हास्तरीय डॉजबाल स्पर्धेत १४ वर्षांखालील गटात मॉडर्न हायस्कूल इंग्रजी माध्यमाच्या मुलींच्या संघाने अटीतटीच्या सामन्यात द्वितीय क्रमांक पटकविला. पिंपरी चिंचवड डॉजबॉल असोसिएशन व पुणे जिल्हा डॉजबॉल असोसिएशन यांच्यातर्फे या स्पर्धेचे आयोजन करण्यात आले.
असोसिएशनचे अध्यक्ष सत्यवान वाघमोडे यांनी डॉजबॉल खेळाचा इतिहास मुलांना सांगितला आणि खेळाचे महत्त्व सांगितले. हिंदुस्तान अँटिबायोटिक्स हायस्कूलचे क्रीडा शिक्षक मुकेश पवार यांनी यांनी मुलांचा सर्वांगीण विकास व्हावा, यासाठी शालेय जीवनातील खेळाविषयी महत्त्व पटवून दिले. सचिव प्रा. रामेश्वर हराळे यांनी मुलांना पुढे होणाऱ्या क्रीडा स्पर्धेसाठी शुभेच्छा दिल्या. संघाच्या या यशाबद्दल प्रोग्रेसिव्ह एज्युकेशन सोसायटीचे कार्याध्यक्ष प्रा. डॉ. गजानन एकबोटे, कार्यवाह प्रा. शामकांत देशमुख, प्रा. डॉ. ज्योत्स्ना एकबोटे, हायस्कूलचे चेअरमन दीपक मराठे, व्हिजिटर प्रा.अतुल फाटक, मुख्याध्यापिका गौरी सावंत, यांनी खेळाडूंचे कौतुक केले. मधुकर रासकर यांनी विद्यार्थ्यांना मार्गदर्शन केले. पालक शिक्षक संघाच्या सभासद मेघना बनसोडे यावेळी उपस्थित होत्या.