पिंपरी, ता. २६ ः महाराष्ट्र औद्योगिक विकास महामंडळाच्या रावेत येथील जल शुद्धीकरण केंद्राच्या दुरुस्तीसाठी गुरुवारी पाणीपुरवठा बंद राहणार आहे. पिंपरी-चिंचवड, भोसरी, देहूरोड, कासारवाडी, निगडी, सी.एम.ई., आर ॲंड डी दिघी, व्ही.एस.एन.एल. कॅन्टोनमेन्ट बोर्ड, ओ.एफ.डी. आर. या भागात गुरुवार सकाळी दहा ते रात्री बारा पर्यंत पाणी पुरवठा बंद राहील. तसेच शुक्रवार, शनिवार व रविवारी पाणी पुरवठा कमी दाबाने व अपुरा होण्याची शक्यता आहे. नागरिकांनी पाण्याचा साठा करून ठेवण्याचे आवाहन प्रशासनाने केले आहे.