पिंपरी, ता. ८ ः सरकारने वीसपेक्षा अधिक कामगार असणाऱ्या कंपन्यांसाठी कामाची मर्यादा दिवसाला आठ तासांऐवजी बारा तास केली. किरकोळ आस्थापनांमध्ये नऊ तासांवरून दहा तास केली. सरकारचा हा निर्णय म्हणजे भांडवलदारांना कामगारांची पिळवणूक करण्याचा परवाना दिल्याचा प्रकार आहे, अशी टीका कष्टकरी संघर्ष महासंघाचे अध्यक्ष काशिनाथ नखाते यांनी चिंचवड येथे कष्टकऱ्यांच्या बैठकीत शुक्रवारी (ता. ५) केली. यावेळी महासंघाचे प्रदेश उपाध्यक्ष राजेश माने, महादेव गायकवाड, अनिल कदम, दिलीप डिकोळे, वंदना कदम, राजश्री जोगदंड, अंजना मोरे, विद्या भोसले आदींसह कामगार उपस्थित होते.