सोमाटणे, ता. २० : पुणे-मुंबई महामार्गावरील सोमाटणे टोलनाक्यावरील वाहतूक कोंडी दूर करण्यासाठी टोलबुथ आणि मार्गिकांची संख्या वाढवून ती आता सोळा करण्यात आली आहे. ‘महामार्गाची महाकोंडी’ या मालिकेमार्फत टोल नाक्यावरील समस्यांबाबत ‘सकाळ’मध्ये वृत्त छापून येताच त्याची दखल घेऊन आयआरबी कंपनीमार्फत उपाययोजना करण्यात आल्या आहेत.
आगामी काळात पुणे-मुंबई महामार्गावरील वाहन संख्येची वाढ व सुट्टीच्या दिवशी पर्यटकांच्या वाढणाऱ्या वाहनांचा विचार करून सोमाटणे टोलनाका येथे कोंडी होऊ नये यासाठी रस्तेविकास महामंडळाच्या सहकार्याने महामार्गाची देखरेख करणाऱ्या आयआरबी कंपनीमार्फत कायमस्वरूपी दोन मार्गिका व दोन टोलबुथची संख्या वाढवण्यात आली आहे. तसेच, पादचारी, सायकल, दुचाकी, रिक्षा यांसाठी एक स्वतंत्र मार्गिका तयार करण्यात आली. याशिवाय टोलनाक्यावरील जलद फास्टॅग यंत्रणेमुळे वाहन टोलबुथजवळ जाताच तत्काळ टोल वजावट होत असल्याने वेळेत बचत झाली आहे. टोल नाक्यावर सकाळी आणि संध्याकाळी वाहतूक कोंडी ठरलेली असे. स्थानिक नागरिकांना कोंडीचा अकारण मानसिक त्रास सहन करावा लागत होता. या समस्यांबाबत ‘सकाळ’मध्ये वृत्त येताच त्याची दखल घेऊन आयआरबी कंपनीकडून उपाययोजना करण्यात आल्या आहेत.
‘‘नव्याने केलेल्या या उपाययोजनांमुळे टोल नाक्यावरील वाहतूक कोंडी कायमची सुटणार असून, वाहनचालकांचा वेळ वाचणार आहे.
- महादेव तुपारे, टोल व्यवस्थापक
PNE25V41404
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.