अवयवदान दिनानिमित्त ‘सकाळ’ वृत्तपत्राने योग्य सामाजिक विषय हाताळला आहे. त्याबद्दल ‘सकाळ’ परिवाराचे अभिनंदन.
भारतात अवयवदानाचे प्रमाण फक्त एक टक्का आहे. परदेशात हेच प्रमाण कितीतरी अधिक आहे. आपल्याकडे उदासिनतेमुळे अवयव दानाचे प्रमाण कमी आहे. शासन आणि समाजाने या स्थितीबाबत गांभीर्याने विचार करून काही योजना तयार कराव्यात. उदा. पोलिओ उच्चाटन, कोरोना निर्मूलन करण्यासाठी केलेल्या उपाययोजना प्रभावी ठरल्या. तसेच प्रयत्न अवयवदानाबाबत आवश्‍यक आहेत. सर्वांत महत्त्वाचे म्हणजे जनतेने स्वतःहून या प्रकियेत भाग घ्यावा.
- चंद्रकांत खोपडे, पिंपळे सौदागर