वाचक लिहितात
--------------------
बीआरटी मार्गांमध्ये
सीसीटीव्ही बसवावेत
अनेक वाहन चालक सर्रास वाहतूक नियम मोडून बीआरटी रस्त्याचा वापर करीत आहेत. या वाहनचालकांना योग्य ती शिक्षा देण्यासाठी अथवा दंड वसूल करण्यासाठी बीआरटी मार्गावर काही ठिकाणी कॅमेरे लावावे, जेणेकरून बीआरटी मार्गाचा गैरवापर करणाऱ्यांचा वाहन चालकांकडून सरकारला दंड वसूल करता येईल. वाहनचालकांना नियम तोडण्याची इतकी सवय झाली आहे की कॅमेराचा खर्च सरकारला काही दिवसांतच मिळेल. कॅमेरा लावल्याने तरी निदान वाहन चालकांवर अंकुश राहील असे वाटते. बीआरटी मार्ग जर पीएमपीएमएल खात्याच्या अखत्यारीत येत असेल तर उलट तोट्यात जाणाऱ्या पीएमपीएमएलला नियम तोडणाऱ्या वाहन चालकांकडून दंड वसूल करून आर्थिक संकटात असलेल्या पीएमपीएमएलला थोडेफार उत्पन्न तरी मिळेल याचा विचार व्हावा.
- विलास रामचंद्र खरे, रावेत