‘एचएसआरपी’ची सक्ती शासकीय वाहनांनाही असावी
‘एचएसआरपी’ अर्थात हाय सिक्युरिटी नंबर प्लेटची सक्ती आरटीओकडून सर्वसामान्य नागरिकांच्या वाहनांसाठी करण्यात आली आहे. यासाठी न्यायालयाच्या आदेशाचा दाखला दिला जात आहे. सर्व प्रकारच्या वाहनांसाठी ही सक्ती आहे. पण, असे असेल तर एसटी महामंडळाच्या बस, पीएमपी बसेसना लागू आहे का? राज्यकर्त्यांनी न्यायालयाचा आदेश आधी पाळून जनतेला आदर्श घालून द्यावा व नंतर जनतेला सक्ती करावी. सर्व सरकारी गाड्यांनी या आदेशाचे पालन केले आहे, असे प्रतिज्ञापत्र न्यायालयात दाखल करावे. दुसरीकडे, आपण एखादा आदेश देताना तो कितपत व्यावहारिक आहे यावरही न्यायालयाने विचार करायची गरज आहे.
- प्रदीप कुलकर्णी, चिंचवड