पिंपरी, ता. १९ ः पिंपरी चिंचवड महापालिका निवडणुकीसाठी प्रारूप मतदार याद्या गुरुवारी (ता. २०) प्रसिद्ध होणार आहेत. त्यावर प्राप्त हरकती आणि सूचना २७ नोव्हेंबरपर्यंत मांडता येणार आहेत. त्यासाठी पिंपरी, चिंचवड, भोसरी विधानसभा मतदारसंघ आणि भोर विधानसभा मतदारसंघातील ताथवडेगाव यांच्या मतदारयाद्या प्रभागनिहाय विभाजित केल्या आहेत. गुरुवारी जाहीर केल्या जाणाऱ्या प्रारूप मतदारयाद्यांवर हरकती व सूचना स्वीकारण्यासाठी अ, ब, क, ड, ई, फ, ग आणि ह क्षेत्रीय कार्यालये आणि महापालिका मुख्यालय स्तरावर पिंपरीतील सावित्रीबाई फुले सभागृहात कक्ष कार्यान्वित करण्यात येणार आहे.