पावसामुळे जनजीवन विस्कळित

पिंपरी : शहर-परिसरात सोमवारी दुपारपर्यंत पावसाचा जोर कायम राहिला. या सततच्या स्थितीमुळे जनजीवन विस्कळित झाल्याचे दिसून आले. पवनमावळासह शहरातील जोरदार पावसामुळे रावेत बंधारा दुथडी भरून वाहत होता. घरकुल चौक, निगडी उड्डाणपूल, पिंपरी साई चौकातील भुयारी मार्गांमध्ये पाणी साचले होते. त्याचा परिणाम वाहतुकीवर होऊन वेगही मंदावला होता. सोमवारी सकाळी शाळेत जाणारे विद्यार्थी आणि कंपन्यांतील कर्मचाऱ्यांना पावसाचा फटका सहन करावा लागला. नेहमीप्रमाणे पिंपरी येथील ग्रेड सेपरेटरमध्ये पडलेल्या खड्ड्यांमुळे वाहनचालक वैतागल्याचे दिसून आले. त्याचीच ही चित्रमय झलक.