पिंपरी, ता.२५ ः संताजी सेवा प्रतिष्ठानतर्फे विद्यार्थी गुणगौरव आणि संताजी सेवा तेली समाजभूषण पुरस्कार वितरण सोहळा नुकताच पार पडला. पिंपळे गुरव येथील निळू फुले नाट्यगृहात वरील कार्यक्रम झाला.
यावेळी उपजिल्हाधिकारी अनिल कारंडे, बार्टीच्या कार्यालयीन अधीक्षक प्रज्ञा मोहिते, महेश गवई, उद्योजक विष्णुपंत डेंगाळे, वैशाली आतकर, प्रतिष्ठानच्या अध्यक्षा डॉ. सरोज अंबिके उपस्थित होते.
प्रज्ञा मोहिते यांनी शासकीय योजनांबद्दल माहिती दिली. उपक्रम प्रमुख सुधाकर लोखंडे यांनी संस्थेच्यावतीने आयोजित वधूवर मेळाव्याबद्दल माहिती दिली. संताजी सेवा प्रतिष्ठान पुरस्कार प्राप्त समाज बांधव रेखा डिंगोरकर, रामभाऊ पिसे, नितीन जगनाडे, गोविंद चौधरी, गजानन सायकर यांना सामाजिक कार्यासाठी; तर राजश्री चिलेकर, नितीन राऊत (उद्योजक), विश्वासराव डोंगरे (आध्यात्मिक) यांना पुरस्काराने सन्मानित करण्यात आले. तसेच ७० विद्यार्थ्यांचा सत्कार करण्यात आला.
प्रदीप सायकर यांनी आभार मानले. कार्यक्रम यशस्वी करण्यासाठी डॉ. गणेश अंबिके, राजाराम वंजारी, मनोज आणेकर, सुनील देशमाने, अमोल देशमाने, सचिव जिजा राजाराम वंजारी, खजिनदार रोहिदास पडगळ यांनी विशेष परिश्रम घेतले.