पिंपरी, ता. २६ : गेब्र फिफर इंडिया प्रा. लि. सीएसआरच्या माध्यमातून इस्कॉनच्या अन्नामृत फाउंडेशनला दिलेल्या अन्न वितरण वाहनांचे हिरवा झेंडा दाखवून उद्‍घाटन करण्यात आले. यावेळी प्रमुख पाहुण्यांच्या हस्ते बधालवाडी येथील जिल्हा परिषदेच्या शाळेत १७० विद्यार्थ्यांना पौष्टिक आहाराचे वितरण करण्यात आले. या शैक्षणिक वर्षांपासून कंपनीकडून एक हजार मुलांना शालेय भोजन आहार पुरवला जात आहे. गेब्र फिफरचे उपाध्यक्ष डॉ. एडवर्ड कुलेनकॅम्प, व्यवस्थाकीय संचालक ज्ञानेश वांजळे, डॉ. थॉमस मासमॅन, मॅथीअस ड्युफर, जॉर्ज हेम्स, बर्न रोलॅन्ड हेनरीच, स्टेफनी हस्केन, पॅट्रिक सिमेन, कास्टर्न केसर, प्रकल्प प्रमुख जय सस्ते यांच्या हस्ते उद्‍घाटन करण्यात आले. बधालवाडी (नवलाख उंब्रे, ता. मावळ) येथे झालेल्या कार्यक्रमात फाउंडेशनचे उपाध्यक्ष संजय टिक्कू, पुण्याचे व्यवस्थापक संजय भोसले, निधी संकलन प्रमुख दीपक पाहवा, संजीत शर्मा यांनी वाहनांच्या चाव्या स्वीकारल्या.
---