पिंपरी, ता. २६ ः जिल्हा क्रीडा परिषद पुणे व पिंपरी चिंचवड महापालिका आयोजित जिल्हास्तरीय कुस्ती स्पर्धा आंतरराष्ट्रीय कुस्ती केंद्र भोसरी येथे झाल्या. यात यमुनानगर (निगडी) येथील मॉडर्न हायस्कूलच्या विद्यार्थ्यांनी घवघवीत यश संपादन केले.
गटनिहाय प्रथम तीन क्रमांचे गटनिहाय विजेते पुढीलप्रमाणे ः १४ वर्षे- मुली- ३३ किलो- अश्मी चव्हाण; ५१ किलो- निकिता बिरूड. या विद्यार्थिनींची (काष्टी ता. श्रीगोंदा, जि. अहिल्यानगर) येथे होणाऱ्या विभागीय पातळीसाठी निवड झाली आहे. द्वितीय क्रमांक- जान्हवी आडागळे, हुमेरा शेख, संयुक्ता सोरटे; तृतीय क्रमांक - फाल्गुनी जाधव, आनंदी हजारे.
यशस्वी विद्यार्थ्यांचे मुख्याध्यापिका शारदा साबळे, संस्थेचे कार्याध्यक्ष प्रा. डॉ. गजानन एकबोटे, कार्यवाह प्रा. शामकांत देशमुख, सहकार्यवाह प्रा. डॉ. ज्योत्स्ना एकबोटे, उपकार्यवाह प्रा. डॉ. निवेदिता एकबोटे, शाळा समिती अध्यक्ष प्रा. मानसिंग साळुंके, प्रमोद शिंदे, विजय पाचारणे, राजीव कुटे यांनी कौतुक केले. स्पर्धेतील विद्यार्थ्यांना क्रीडा शिक्षक गंगाधर सोनवणे, उमर शेख, सर्व शिक्षकांनी मार्गदर्शन केले.
---