तळेगाव स्टेशन, ता. २५ : नातेवाईक महिलेला हॉटेलमध्ये बसवून तिच्या घरातून पावणेआठ लाखांचे दागिने आणि १८ हजारांची रोकड तरुणीने लंपास केली. ही घटना १८ सप्टेंबरला घडली. या प्रकरणात तळेगाव एमआयडीसी पोलिसांनी तरुणी आणि तिच्या साथीदाराला जेरबंद केले आहे.
याबाबत वराळे येथील एका महिलेने फिर्याद दिली होती. त्यानुसार वरिष्ठ पोलिस निरीक्षक रणजीत जाधव यांनी पथक नेमत सीसीटीव्ही फुटेज तपासले. यानंतर संशयित तरुणीला तळेगाव स्टेशन परिसरात ताब्यात घेतले. अधिक चौकशीत तिने घरफोडीची कबुली दिली. तिने दिलेल्या माहितीवरून पोलिसांनी सलमान विक्रोमद्दीन शेख (२३, व्हिजन सिटी,जांभुळ ,ता. मावळ) यालाही अटक केली आहे. तिने चोरीतील काही दागिने एका संस्थेकडे ठेवत १ लाख १५ हजारांचे कर्ज उचलले घेते. ते पैसे तिने सलमानच्या खात्यावर वळविले होते. दोन्ही आरोपींना वडगाव न्यायालयाने दोन दिवस पोलिस कोठडी सुनावली होती.